މިދިޔަ ޖުލައި މަހު ޗައިނާގެ ސިޓީތަކުގައި ދިރިއުޅޭ ޒުވާނުންގެ މެދުގައި ވަޒީފާ ނެތް މީހުންގެ ނިސްބަތް 17.9 އިންސައްތައަށް އަރައި، ފާއިތުވި 11 މަސްދުވަހުގެ ތެރޭގައި އެންމެ މަތީ ދަރަޖައަށް އުފުލިއްޖެ ކަމަށް ޗައިނާގެ ނޭޝަނަލް ބިއުރޯ އޮފް ސްޓެޓިސްޓިކްސް އިން ބުދަ ދުވަހު އާންމުކުރި ތަފާސްހިސާބުތަކުން ދައްކައިފިއެވެ.
މިއީ އޮގަސްޓް 2025 ގެ ފަހުން މި އަދަދު މިހާ މައްޗަށް ދިޔަ ފުރަތަމަ ފަހަރެވެ. ޖޫން މަހު މި ނިސްބަތް ހުރީ 14.9 އިންސައްތައިގައެވެ. މިއީ އެއް މަސްދުވަހުގެ ތެރޭގައި 3 އިންސައްތައިގެ ބޮޑު އިތުރުވުމެކެވެ. މިއީ ކޮލެޖްތަކުންނާއި ޔުނިވަރސިޓީތަކުން ދަސްވެނިވި މިލިއަނަކަށްވުރެ ގިނަ ދަރިވަރުން ވަޒީފާގެ ބާޒާރަށް ނުކުތް ދަނޑިވަޅާ ވެސް ގުޅިފައިވާ ކަމެކެވެ.
މީގެއިތުރުން، އުމުރުން 25 އަހަރާއި 29 އަހަރާ ދެމެދުގެ މީހުންގެ ވަޒީފާނެތް ނިސްބަތް ވެސް ވަނީ ޖޫން މަހުގެ 7.1 އިންސައްތައިން ޖުލައި މަހު 7.2 އިންސައްތައަށް އުފުލިފައެވެ. ނަމަވެސް، އުމުރުން 30 އަހަރާއި 59 އަހަރާ ދެމެދުގެ މީހުންގެ މެދުގައި ވަޒީފާނެތް ނިސްބަތް ވަނީ 4.0 އިންސައްތައިން 3.9 އިންސައްތައަށް ކުޑަކޮށް ދަށަށް ގޮސްފައެވެ.
އިގްތިސާދީ ދުވެލި މަޑުޖެހި، ކުންފުނިތަކުން އައު މުވައްޒަފުން ނެގުން މަދުކޮށްފައިވުމަކީ ޒުވާނުންނަށް ވަޒީފާގެ ފުރުސަތުތައް ހަނިވެ، ސަރުކާރަށް މި މައްސަލަ ހައްލުކުރުމުގައި ބޮޑެތި ގޮންޖެހުންތަކެއް ކުރިމަތިވެފައިވާ މައިގަނޑު ސަބަބެވެ.
